“Nuk ka kohë për të ankuar, ne besojmë te Guardiola”, Foden pas humbjes nga Man Utd

Phil Foden mbetet i sigurt në trajnerin Pep Guardiola dhe aftësinë e tij për ta rikthyer Manchester Cityn në rrugën e duhur.

City përjetoi humbjen e tyre të tetë në 11 ndeshjet e fundit, pasi u dorëzuan pas humbjes 2-1 ndaj Manchester United në Etihad të dielën.

“Ne jemi ende larg nivelit tonë, por unë ende besoj se po luajmë mjaft mirë për të marrë pikë dhe rezultate”, ka thënë fillimisht Foden.

“Gjëja kryesore është të qëndrojmë të përqendruar gjatë gjithë 90 minutave, por në momentet kyçe jemi vazhdimisht të shpërqendruar, thjesht duhet të fokusohemi siç duhet”.

“Ne qëndrojmë së bashku, rindërtojmë dhe besojmë në veten tonë pas asaj që kemi arritur në të kaluarën”.

“Vazhdojmë të besojmë te procesi dhe te trajneri – jam i sigurt se nëse e bëjmë këtë, do të jemi në gjendje të kthehemi te fitorja dhe të arrijmë nivelin tonë”.

“Duhet të mbajmë këtë qëndrim gjatë gjithë 90 minutave, por nuk jemi në gjendje ta bëjmë këtë tani”.

“Ne duhet të tregojmë përsëri karakter për të kapërcyer këtë rënie. Tani nuk është koha për të ankuar – është e rëndësishme të qëndrojmë së bashku, të qëndrojmë të fortë dhe të ecim përpara. Jam i sigurt se do të kthehemi”, përfundoi ylli anglez.