Operohet ylli i Kombëtares së Kosovës
Arbër Zeneli ka njoftuar se është operuar me sukses në gju, pas lëndimit të rëndë që e pësoi në fillim të këtij muaji në një ndeshje me Kombëtaren e Kosovës, dhe u zotua se do të rikthehet edhe më i fuqishëm.
Anësori i Stade de Reims u detyrua ta braktisi lojën në fillim të pjesës së dytë në barazimin e Kosovës 1:1 me Malin e Zi në një ndeshje kualifikuese për Kampionatin Evropian 2020, pasi e pësoi një dëmtim të rëndë në gju.
Tani, gati tri javë më pas, 24-vjeçari është operuar me sukses në lëndimin e gjurit të djathtë që pritet ta larë atë jashtë fushës së futbollit për nëntë muaj.
“Operacioni shkoi mirë, fjalët tuaja e mira dhe përkrahja, do të më kthejnë më të fortë se kurrë. AZ17 dhe AZ10 po rimbushen”, ka shkruar ai ndër të tjerash në llogarinë personale në Instagram.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]