Pas debutimit të parë, Griezman jep lëvdata edhe për Messin
Barcelona ka shënuar fitoren e parë në La Liga, duke e mposhtur 5:2 Real Betisin në ‘Camp Nou’ të dielën mbrëma.
Pas humbjes së papritur nga Bilbao, lojtarët e Barcelonës ishin në gjendje të dhuronin një performancë të mirë në shtëpi, për fitore spektakolare.
Ndeshje të mirë regjistroi Antoine Griezmann, i cili bëri debutimin zyrtar në ‘Camp Nou’.
Griezmann shënoi dy gola, ndërsa i dyti ishte i jashtëzakonshëm. Francezi duke folur për këtë gol, tha se ka mësuar nga Messi, që shënon gjithmonë ashtu në stërvitje.
“Goli i dytë? Messi shënon gola të tillë në stërvitje dhe unë vendosa të përpiqem ta imitoj atë dhe ia dola”, ka deklaruar Grizemann, përcjell lajmi.net.
“Jam i lumtur që fituam sepse skuadra ime dëshironte të tregonte cilësi pas humbjes në ndeshje e parë”.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]