Pasi akuzohet se i mori 100 mije euro, Zeka thotë se Telekomi sponsorizoi frizura të këngëtareve

Deputeti i Kuvendit të Kosovës, Milaim Zeka, ia ka bërë një mori pyetjesh ish-kryeshefit ekzekutiv të Telekomit të Kosovës, Agron Mustafa, në mbledhjen e Komisionit Hetimor për Telekomin.

Zeka ka thënë se në bazë të dokumentacionit që e posedon Komisioni, në bazë të këtyre dokumenteve, çka kryeshef rrezikon të shkojë në burg.

E Zeka vazhdoi ta pyes Mustafës për financimin që iu është bërë këngëtarëve, ambasadave e mediave gjatë kohës së udhëheqjes së tij.

“Ju u keni dhënë para këngëtarëve që janë super milionera. Ia keni dhanë Eroll Belegut 28 mijë euro që është milionerë, ambasadave kah dy mijë euro, një këngëtari që tash është edhe deputet ia keni dhënë 6 mijë euro. Tunës ia keni dhënë 2500 euro. U keni dhënë edhe të tjerëve, si: Ermal Fejzullahu, Sabri Fejzullahu, Nora Istrefi, Robert Berisha, Argjentina Ramosaj”, ka thënë Milaim Zeka.

E për këtë i ka reaguar Mustafa.

I ka thënë se Telekomi nuk është kompani sociale dhe se paratë i nxjerrë nga shërbimet që ofron e kryen.

E Disa nga emrat tjerë i ka zbuluar deputeti, Armend Zemaj.

“Bohet fjalë për Rexhep Qosjen, Adelina Thaçin, Nora Istrefin, Robert Berishën, Dhurata Ahmetaj, Argjentina Ramosaj”, bënë të ditur Zemaj.

Edhe Mustafa ka patur përgjigje në këto pretendime.

“Çdo donacion deri në shtatë mijë euro ka mujt me u nënshkru prej meje, shuma tjera veç bordi”, është shprehur Mustafa.

Komisioni ka shkuar në pauzë deri në orën 14:00