Për herë të parë në histroi, Abu Dhabi lejon jomyslimanët të kurorëzohen

Dekreti i fundit i sundimtarit të Abu Dhabit u lejon jomyslimanëve të rregullojnë statusin e tyre martesor ndryshe nga më parë, dhe nga e diela do të mund të martohen, shkurorëzohen dhe të kenë kujdestarinë e përbashkët të fëmijëve sipas dispozitave të ligjit civil.

Është një nga lëvizjet e fundit nga Emiratet e Bashkuara Arabe, një vend ku statusi martesor rregullohet sipas parimeve strikte të Sheriatit, për të ruajtur konkurrencën si një qendër tregtare rajonale.

Sipas dekretit të sundimtarit të Abu Dhabi, Sheikh Khalifa Zayed al-Nahajan, i cili është edhe presidenti i federatës së shtatë Emirateve të Emirateve të Bashkuara Arabe, ligji i ri mbulon martesën civile, shkurorëzimin, alimentacionin, kujdestarinë e përbashkët të fëmijëve, dëshminë e atësisë. dhe trashëgimisë.

Qëllimi i ligjit është “të forcojë pozicionin dhe konkurrencën globale të Emirateve si një nga destinacionet më tërheqëse për talentet dhe njerëzit me aftësi”.

Ligji civil për jomyslimanët është i pari i këtij lloji në botë që është “në përputhje me praktikat më të mira ndërkombëtare”, përcejll telegrafi.

Një gjykatë e re për t’u marrë me çështjet e familjes jomuslimane do të krijohet në Abu Dhabi dhe të gjitha çështjet do të zgjidhen në arabisht dhe anglisht.

Emiratet e Bashkuara Arabe futën një sërë ndryshimesh legjislative në nivel federal vitin e kaluar, duke përfshirë dekriminalizimin e seksit paramartesor dhe konsumit të alkoolit, si dhe dispozitat e dënimeve të buta në rastet e “vrasjeve për nder” u shfuqizuan gjithashtu.

Ky shtet i Gjirit po kërkon të tërheqë investime të huaja nëpërmjet ndryshimeve ligjore dhe ta bëjë veten më të dëshirueshëm për qëndrim afatgjatë.