Përjashtohet nga shkolla një vajzë me mbulesë, imami kosovar thirrje Kurtit

Imami kosovar, Labinot Maliqi i ka bërë thirrje kryeministrit Albin Kurti që ta shfuqizojë sa më parë ndalesën e Udhëzimit Administrativ në Ministrinë e Arsimit, ku vajzat myslimane të cilat duan të shkollohen dhe njëkohësisht të praktikojnë hapur besimin e tyre.

Përmes një postimi në llogarinë e tij zyrtare në Facebook, ai thotë se edhe me këtë qeverisje, po vazhdon përjashtimi i vajzave nga shkollat publike për shkak të bartjes së shamisë.

“I bëjë thirrje Kryeministrit Albin Kurti, që ta shfuqizoj sa më parë ndalesën e Udhëzimit Administrativ në Ministrinë e Arsimit, ku vajzat myslimane të cilat duan të shkollohen dhe njëkohësisht të praktikojnë hapur besimin e tyre, pikërisht ashtu siç ua garanton edhe Kushtetuta e Kosovës, edhe në këtë qeverisje po vazhdohet përjashtimi i tyre nga shkollat publike për shkak të bartjes së shamisë, duke ua mohuar kështu një të drejtë elementare njerëzore”, ka shkruar Maliqi.

Postimi i plotë:

I bëjë thirrje Kryeministrit Albin Kurti, që ta shfuqizoj sa më parë ndalesën e Udhëzimit Administrativ në Ministrinë e Arsimit, ku vajzat myslimane të cilat duan të shkollohen dhe njëkohësisht të praktikojnë hapur besimin e tyre, pikërisht ashtu siq ua garanton edhe Kushtetuta e Kosovës, edhe në këtë qeverisje po vazhdohet përjashtimi i tyre nga shkollat publike për shkak të bartjes së shamisë, duke ua mohuar kështu një të drejtë elementare njerëzore.

Për dijenin e Kryeministrit Kurti dhe të Ministres së Arsimit, znj. Nagavci, sikurse e kemi bërë edhe në të kaluarën për qindra raste, nesër do të ndërmjetësoj për kthimin e një vajze në shkollë, pasiqë ajo është përjashtuar javën e kaluar në një nga shkollat fillore të Prishtinës.

Uroj që premtimeve elektorale ju ka ardhur koha të përmbushen në praktikë.