Një grup azilantësh kanë tentuar dje të futeshin me forcë në kampin e azilkërkuesve në Magurë të Lipjanit.
Ata kishin braktisur kampin e azilkërkuesve në Mitrovicë, duke synuar shpërnguljen në kampin e Magurës.
Por, tentativa e tyre doli të jetë e pasuksesshme pas intervenimit të Policisë së Kosovës, shkruan Indeksonline.
Midis policisë dhe azilkërkuesve pati përleshje që për pasojë pesë zyrtarë policorë janë lënduar.
Azilantët kanë dëmtuar një veturë zyrtare, pronë e qendrës së azilit dhe derën e hyrjes të qendrës së azilantëve.
Me vendim të prokurorit, të dyshuarit janë dërguar në mbajtje.