Peshku ‘fosil i gjallë’ mund të jetojë deri në një shekull

Peshqit ‘fosil të gjallë’ mund të jetojnë deri në një shekull, sipas një studimi të kryer së fundmi.

‘Colacanth’ mendohet të kishte një jetëgjatësi prej rreth 20 vjetësh, por vlerësimet e reja sugjerojnë se ky peshk është një qindvjeçar i oqeanit, së bashku me peshkaqenët.

Studiuesit francezë besojnë se peshku riprodhohet në moshë të mesme dhe mund të jetë shtatzënë për pesë vjet.

Njohja e historisë së jetës së ‘Colacanth’ mund të ndihmojë në zbatimin e masave edhe më të forta të mbrojtjes dhe ruajtjes, tha Dr Bruno Ernande i Universitetit të Montpellier, Francë.

“Një kornizë shumë e rëndësishme për masat e ruajtjes është të jesh në gjendje të vlerësosh demografinë e specieve,” i tha ai BBC News.

‘Colacanth’ mendohej se ishte zhdukur derisa u kap në një rrjetë peshkimi pranë Afrikës së Jugut në 1938.
Në studimet e ardhshme, shkencëtarët planifikojnë të kryejnë analiza të mëtejshme për të zbuluar nëse shkalla e rritjes ka lidhje me temperaturën.

Hulumtimi është botuar në revistën ‘Current Biology’.