Planprogrami arsimor u realizua në masën 70 për qind
Ish-zëvendësministri i Arsimit dhe njohësi i çështjeve të arsimit, Xhavit Rexhaj ka folur për procesin e mësimit në distancë. Rexhaj në emisionin “#Hashtag” në RTV Dukagjini thotë se qëllimi i mësimit në distancë ka qenë para se gjithash ruajtja e shëndetit të nxënësve dhe familjeve të tyre.
“Me ndërprerjen e mësimit është ruajtur shëndeti i fëmijëve dhe është realizuar në masë të madhe plan programi”, tha ai, përcjell Telegrafi.
Ish-zëvendësministri i Arsimit thotë se synimi ka qenë të realizohet rreth 70% e plan programit mësimor. “Unë konsideroj se është një fitore realizimi i plan programit, por me një kosto”.
Rexhaj thotë se ekspertët duhet të bëjnë vlerësimit sa ka qenë i suksesshëm realizimi i mësimit në distancë. “Konsideroj se mësimi në distancë ka qenë i suksesshëm por me probleme”.
Ai ka thënë se megjithatë këto platforma elektronike do të nevojiten edhe në të ardhmen nëse paraqitet një valë e dytë e coronavirusit apo ndonjë pandemie tjetër.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]