Prindërit nuk dinë kujt t’i besojnë, kryetari Shpend Ahmeti kërkon të mos dërgohen fëmijët në çerdhe
Kryetari i Komunës së Prishtinës, Shpend Ahmeti, ka kërkuar nga Ministria e Arsimit të sqarojë situatën dhe rregullat për hapjen e çerdheve.
Ai përmes një postimi në Facebook ka thënë se në konferencën e kryeministrit në detyrë, Albin Kurti dhe ministrit në detyrë të Shëndetësisë, Arben Vitia, u përmenden dy data dhe rregullat strikte për hapjen e çerdheve, por se nuk ka informatë zyrtare mbi rregullat.
Ahmeti iu ka bërë thirrje prindërve të mos i dërgojnë fëmijët në çerdhet publike dhe në ato me bazë në komunitet deri sa t’i marrin vendimet nga niveli qendror.
“Prandaj, prindër të nderuar, mos i dërgoni fëmijët në çerdhet publike dhe ato me bazë në komunitet në komunën tonë deri t’i marrim vendimet dhe rregullat nga niveli qendror dhe derisa çerdhet përkatëse ku i keni fëmijët të ju lajmërojnë për funksionimin e plotë. Çerdhet do të rihapen këto ditë, por ka nevojë për më shumë detaje e përgatitje”, ka thënë ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]