Prishtina bie në ‘Riza Lushta’, vendos goli i Mujës nga penalltia
Trepça ’89 e ka mposhtur Prishtinën me rezultat 1-0, në kuadër të javës së 4-të në Superligën e Kosovës.
Prishtina edhe pse kishte më shumë nga loja, në fund u desh të pajtohet me humbjen e parë këtë edicion.
Otto John dhe Kreshnik Uka kishin raste të mira, por që nuk arritën të tundnin portën e portierit Prince Marley.
Madje John e kaloi portierin në minutën e 37-të, ku në portën e zbrazët gjuajti mbi të.
Pjesa e dytë ishte më e baraspeshuar.
Prishtina gjeti golin me Mërgim Pefqelin, por që u anulua për pozitë jashtë lojë.
Në mintuën e 79-të, portieri Egland Haxho rrëzon në zonë një lojtarë të 89-shit, ku akordohet penallti.
Nga pika e bardhë doli të jetë i saktë Arbnor Muja për 1-0.
Deri ën fund ndryshim në rezultat nuk kishte dhe Trepça ’89 merr fitoret e dytë, ku tani mban vendin e tretë me 6 pikë nga tri ndeshje.
Prishtina me katër pikë, mban vendin e pestë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]