Prishtina fiton ndeshjen e javës së gjashtë si nikoqire
Prishtina e ka mposhtur Dukagjinin në javën e gjashtë të Superligës së Kosovës me rezultat 2-0. Bardhë e kaltrit kaluan në epërsi pas vetëm shtatë minutash lojë me anë të Meriton Korenicës që shënoi me kokë.
Prishtina rrezikoi edhe disa herë të tjera portën e mysafirëve me anë të Diar Miftarajt dhe Korenicës, mirëpo rezultati mbeti i njëjtë. Pjesa e parë përfundoi me rezultatin minimal të kryeqytetaseve, ndërsa në të dytën ata e dyfishuan epërsinë.
Ishte minuta e 51-të kur Prishtina e dyfishoi rezultatin me anë të Leonit Abazit që realizoi një gol të bukur. Dukagjini tentoi në disa raste me kundërsulme ndaj bardhë e kaltërve, mirëpo pjesa defanzive ishte në krye të detyrës.
Pas xhiros së gjashtë, Prishtina gjendet në pozitën e gjashtë me dhjetë pikë, ndërsa Dukagjini mbetet në vendin e fundit me vetëm një pikë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]