Quni: Mos të lejojmë që LDK-ja të bëhet “relikt”
Kandidati për kryetar të Lidhjes Demokratike të Kosovës (LDK) Anton Quni ka thënë se fati i Kosovës është i lidhur ngushtë me fatin e Lidhjes Demokratike të Kosovës.
Quni, i cili kandidaturën e tij për të parin e LDK-së e konfirmoi për media pas dorëheqjes së Isa Mustafës, shkruan në një postim në Facebook, se nuk duhet lejuar që LDK-ja të bëhet “relikt”.
“Ky ‘relikt’ nxitë kujtime të bukura por është i papërdorshëm. Mos të lejojmë që LDK-ja të bëhet ‘relikt’. Fati i Kosovës është i lidhur ngushtë me fatin e LDK-së”, shkruan Quni krahas një fotoje të postuar në Facebook me një relikt.
Ndryshe, LDK-ja në zgjedhjet e 14 shkurtit ka shënuar rezultatin më të dobët ndonjëherë zgjedhor, duke marrë vetëm 13.08 për qind të votave sipas rezultateve preliminare të KQZ-së. Pas dorëheqjes së Isa Mustafës nga kreu i kësaj partie, ishte Anton Quni i cili i pari konfirmoi kandidaturën e tij për kryetar të LDK-së.
Zgjedhja e kryetarit të LDK-së pritet të bëhet më 14 mars.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]