Real Madridi i vendos çmim të arsyeshëm James Rodriguezit

Real Madridi thuhet se ka vendosur një çmim prej 40 milionë eurosh për mesfushorin kolumbian, James Rodriguez dhe ka shpresë për një shitje të tij gjatë verës.

Sipas gazetës El Mundo Deportivo, ylli kolumbian është një lojtar të cilin Los Blancos kanë shumë dëshirë ta shesin këtë verë.

Skuadrat e interesuara për shërbimet e James Rodriguez nuk mungojnë dhe ato vijnë jo vetëm nga Evropa.

Ekipi nga MLS, me pronar legjendën David Beckham, Inter Miami ka shpresë për ta bërë kolumbianin yllin e tyre të parë të ekipit dhe shpresojnë në marrëdhëniet e mira me Florentino Perez.

Rodriguez pëlqehet shumë edhe në Ligën Premier, ku Manchester Unitedi, Arsenali, Wolverhampton Wanderers dhe Evertoni duan transferimin e tij.

Edhe klubet italiane si Juventusi dhe Napoli kanë shprehur dëshirë për transferimin e yllit kolumbian.

Kontrata e mesfushorit kolumbian skadon në vitin 2021 dhe një transferim për vetëm 40 milionë euro është shumë i mundshëm për të gjitha klubet e lartpërmendura.

James shënoi 15 gola dhe siguroi 20 asistime në 67 ndeshje për Bayern Munichun midis viteve 2017 dhe 2019, ndërsa këtë sezon me Realin ka vetëm një gol dhe një asistim.