Rikthehen rastet me koronavirus në Spanjë pas heqjes së karantinës
Në Spanjë janë konfirmuar 3.715 raste të reja me koronavirus në 24 orët e fundit, ka bërë të ditur Ministria e Shëndetësisë të mërkurën. Ky numër është rekord ditor që nga heqja e karantinës në këtë vend, në fund të qershorit. Në kryeqytet, Madrid, janë shënuar më së shumti raste – 1.535.
Sipas njoftimit, përcjell Reuters, në 24 orët e fundit kanë vdekur 14 pacientë me COVID-19, derisa një ditë më herët kanë vdekur 21.
Në javën e fundit kanë vdekur 131 persona. Që nga fillimi i pandemisë, në Spanjë janë shënuar 370.867 raste pozitive. Spanja ka numrin më të madh të të infektuarve në Evropën Perëndimore në 14 ditët e fundit për 100 mijë banorë.
Autoritetet lokale kanë vënë kufizime për klubet e natës dhe transportin publik, të cilat ishin hequr para një jave.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]