Rreth 20 mijë certifikata janë shkarkuar brenda tri ditësh në E-Kosova
Qeveria e Kosovës ka bërë të ditur se interesimi i qytetarëve të Kosovës për t’i përdorur shërbimet elektronike në E-Kosova është i lartë.
Sipas një njoftimi të shtunën, qeveria ka njoftuar se vetëm në tri ditë, janë shkarkuar rreth 20 mijë certifikata.
Qeveria po ashtu është zotuar ta vazhdojë digjitalizimin e shërbimeve.
“Interesim i lartë i qytetarëve për të përdorur shërbimet elektronike të sapo lansuar në platformën E-Kosova. Në vetëm tre ditë, janë shkarkuar rreth 20 mijë certifikata. Do të vazhdojmë me digjitalizimin e shërbimeve duke synuar shërbime më efikase, më cilësore e më të qasshme. Nga e enjtja e javës së kaluar certifikatën e lindjes, ekstraktin e lindjes, certifikatën e martesës dhe certifikatën e vdekjes, si dhe shërbimin për vazhdimin e regjistrimit të veturës dhe rezervimin e targave mund ta bëni në https://ekosova.rks-gov.net/Service/12”, thuhet në njoftim.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]