Ministri i Shëndetësisë, Armend Zemaj gjatë një konferencë për media ka kërkuar sërish respektimin e masave nga ana e qytetarëve, pas shtimit të rasteve të reja më Covid-19.
“Ju bëjmë thirrje qytetarëve për zbatim të pa rezervë të masave kundër COVID 19. Angazhimi ynë i përbashkët në zbatimin e masave. E përsëris se duhet të zbatoni masat, ta ruajmë shëndetin, mbani maskat, mbani distancën, mbani higjienën, dhe kështu e luftojmë pandeminë”, tha Zemaj duke mos përmendur nëse do të këtë masa të reja kundër përhapjes së koronavirusit.
Zemaj ka shtuar se për temat e tjera do të flitet pasdite.
“Të tjera janë obligim i të gjithëve. Për temat tjera ju kisha lutë që edhe pasdite do të kemi komunikim të rezultateve dhe mund t’i ndajmë”, ka thënë tutje Zemaj.