Rusia i largon disa ushtarë nga kufiri me Ukrainën
Pas disa javësh të tensioneve, trupat e ushtrisë ruse të cilat ishin vendosur me kufirin me Ukrainën, do të largohen, me një urdhër të ministrit të Rusisë të Mbrojtjes, Sergei Shoigu.
Shoigu ka urdhëruar që një numër i njësive të ushtrisë të kthehen në zonat bazë të tyre.
Bashkimi Evropian e kishte vlerësuar se më shumë se 100,000 ushtarë rusë ishin grumbulluar pranë kufirit si dhe në Krime, e cila u aneksua nga Rusia në vitin 2014.
Ministri rus i Mbrojtjes tha se njësitë e ushtrisë që ishin për stërvitje në Krime do të ktheheshin në bazën e tyre. Qëllimet e “kontrolleve të parakohshme” janë arritur, shtoi ai.
Presidenti i Ukrainës, Volodymyr Zelensky, i cili më parë sfidoi Presidentin rus Vladimir Putin për ta takuar në zonën e konfliktit, e mirëpriti vendimin për “de-përshkallëzimin” e tensioneve në kufi, shkruan BBC, transmeton Klan Kosova.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]