Rusia thotë se ka përdorur armë hipersonike në perëndim të Ukrainës

Rusia ka përdorur raketat e reja hipersonike Kinzhal për herë të parë në Ukrainë të premten, duke shkatërruar një depo të armëve në perëndim të vendit, tha Ministria e Mbrojtjes së Rusisë.

“Sistemi raketor i aviacionit Kinzhal me raketa aerobalistike hipersonike ka shkatërruar një depo të madhe nëntokësore ku ruheshin raketa dhe municione të aviacionit në fshatin Deliatin në rajonin Ivano-Frankivs”, tha të shtunën Ministria e Mbrojtjes së Rusisë.

Agjencia shtetërore e lajmeve të Rusisë, Ria Novosti tha se kjo është hera e parë që janë përdorur armët hipersonike Kinzhal, në atë që Moska e quan “operacion të posaçëm ushtarak” në Ukrainë.

Më herët, Rusia asnjëherë nuk ka pranuar se ka përdorur raketa hipersonike gjatë luftimeve.

Ambasadorja e SHBA-së në Kombet e Bashkuara, Linda Thomas-Greenfield, gjatë takimi të Këshillit të Sigurimit të OKB-së.

Këto raketa balistike mund të fluturojnë shumë lartë në atmosferë me pesë herë shpejtësinë e zërit.

Sipas ushtrisë ruse, sistemi raketor Kinzhal që u përdor në sulm është i aftë që të godas caqe në një distancë prej më shumë se 2,000 kilometrash dhe mund të shmangë sistemet ekzistuese të mbrojtjes ajrore dhe raketore.

Rusia ka nisur pushtimin e paprovokuar të Ukrainës më 24 shkurt. Në kundërpërgjigje, Perëndimi ka vendosur sanksione të ashpra kundër Moskës.