Sateliti zbulon vendin ku Koreja Veriore mban armët bërthamore?

Një video e re satelitore e marrë nga CNN pretendohet se zbulon se Koreja e Veriut ka marrë masa për të fshehur një strukturë që shërbimi i inteligjencës amerikane beson se shërben si një depo për armët bërthamore.

Pamjet mund të detyrojnë kritikët e administratës së presidentit të SHBA Joe Biden, i cili, sipas mendimit të tyre, duhet të përcaktojë një strategji të qartë se si të trajtohet udhëheqësi i Koresë së Veriut Kim Jong Un, raporton CNN.

Fotoja satelitore është realizuar më 11 shkurt dhe është analizuar nga ekspertë të Institutit Middlebury në shtetin Vernmont.

Ekspertët thonë se Koreja e Veriut ndërtoi struktura të reja në Yongdoktong në vitin 2020 dhe studiuesit thonë se ajo u bë me synimin për të fshehur hyrjet në tunelet që çojnë në depon e armëve bërthamore.

“Fotografitë tregojnë dy hyrje të tunelit në vitin 2019 dhe një ndërtesë të re në atë vend në 2021”, tha Jeffrey Lewis, një profesor në Middlebury për studime ndërkombëtare dhe një specialist i inteligjencës.

Yongdoktong më parë ishte shënuar nga shërbimi amerikan i inteligjencës si një vend ku ruhen armët bërthamore dhe besohet se ajo përdoret akoma për atë qëllim, tha një oficer amerikan i inteligjencës në kushte anonime për CNN.