Serbët vendosin të marrin pjesë në zgjedhjet në veri

Serbët në veri sollën vendim që të dalin në zgjedhjet komunale në katër komunat veriore.
Ky vendim u mor pas takimit të përfaqësuesve të Listës Serbe me presidentin serb, Aleksandar Vuçiq,
Ky vendim siç është thënë, u mor me qëllim që shqiptarët në veri të cilët përbëjnë vetëm 0.1 për qind, të mos e marrin kontrollin ndaj katër komunave.

Në katër komunat e veriut të Kosovës të banuara me shumicë serbe: Mitrovicë e Veriut, Zubin Potok, Leposaviq dhe Zveçan më 19 maj do të mbahen zgjedhjet e jashtëzakonshme. Komisioni Qendror i Zgjedhjeve tha se ka filluar menjëherë përgatitjet për mbajtjen e zgjedhjeve të jashtëzakonshme.

Katër kryetarët e këtyre komunave, më 27 nëntor të vitit 2018, dhanë dorëheqje, duke kundërshtuar vendimin e Qeverisë së Kosovës për vendosjen e taksës 100% ndaj prodhimeve të importuara nga Serbia.
Të katër komunat në veri të vendit janë udhëhequr nga Lista Serbe, e cila do të vendosë rreth pjesëmarrjes në këtë proces zgjedhor, pas një takimi me presidentin e Serbisë, Aleksandar Vuçiq.