Shaqiri me dy rekorde pas golave kundër Turqisë

Xherdan Shaqiri e ka barazuar rekordin e Hakan Yakinit si dy lojtarët me më së shumti golave të shënuara për kombëtaren e Zvicrës në historinë e Kampionatit Evropian.

Me dy golat e tij në fitoren e Zvicrës 3:1 kundër Turqisë në ndeshjen e fundit të Grupit A në Euro 2020, Shaqiri është barazuar me Hakan Yakin si dy futbollistët që kanë shënuar nga tri gola për kombëtaren helvetike në kampionate evropiane, raporton Gazeta Express.

Sulmuesi shqiptar i Liverpoolit është po ashtu në ndër lojtarët e rrallë në botë që ka shënuar gol në katër turnetë e fundit të mëdhenj, Kupa e Botës 2014, Euro 2016, Kupa e Botës 2018 dhe Euro 2020.

https://twitter.com/WilliamHill/status/1405936380660830213?ref_src=twsrc%5Etfw%7Ctwcamp%5Etweetembed%7Ctwterm%5E1405936380660830213%7Ctwgr%5E%7Ctwcon%5Es1_c10&ref_url=https%3A%2F%2Fwww.gazetaexpress.com%2Fshaqiri-me-dy-rekorde-pas-golave-kunder-turqise%2F

Shaqiri u shpallë lojtari më i mirë i ndeshjes, pasi me paraqitjen e tij e frymëzoi kombëtaren helvetike drejt fitores së rëndësishme 3:1 të dielën në Baku.

Përveç se i shënoi dy gola, Shaqiri i krijoi dy mundësi të tjera për t’i ndihmuar Zvicrës ta arrijë fitoren e parë në këtë turne, e cila ia mban asaj gjallë shpresat për kualifikim në mesin e 16 më të mirëve.

Zvicra përfundoi në vendin e tretë me pikë të barabarta me Uellsin, por kjo e fundit u kualifikuar direkt falë goldallimit më të mirë. Prandaj, Zvicra shpreson se do të jetë njëra prej katër skuadrave nga gjashtë grupe që kualifikohen nga pozita e tretë.

29-vjeçari e pati 51 herë topin në këmbë, nga to ai goditi shtatë herë në drejtim të portës (katër herë brenda kornizës), harkoi gjashtë herë në zonë, i pati dy driblime të suksesshme dhe i krijoi dy shanse.

Shaqiri shënoi gol spektakolar me këmbën e tij të dobët, të djathtë, nga rreth 20 metra lartësi, në minutën e 26-të, para se të realizonte për herë të dytë në këtë takim në minutën e 68-të.

https://twitter.com/AnfieldWatch/status/1406670225660055553?ref_src=twsrc%5Etfw%7Ctwcamp%5Etweetembed%7Ctwterm%5E1406670225660055553%7Ctwgr%5E%7Ctwcon%5Es1_c10&ref_url=https%3A%2F%2Fwww.gazetaexpress.com%2Fshaqiri-me-dy-rekorde-pas-golave-kunder-turqise%2F