Shkëputja e kontratës me donatorë nga MPL, ia humb 5.2 milionë euro komunave

Gazeta Alo

Publikuar: 26/09/2020 14:38

Asociacioni i Komunave të Kosovës ka njoftuar mbi shkëputjen e njëanshme të Ministrisë së Pushtetit Lokal të marrëveshjes tripalëshe në mes të MPL-së, komunave dhe organizatës “Helvetas Swiss Cooperation”.

Ata kanë kërkuar nga Qeveria e Kosovës për të ndërmarrë veprime që gjejnë përgjegjësit e një vendimi të tillë.

Sipas AKK-së, me shkëputjen e marrëveshjes që lidhë donatorë për skemën e granteve për komuna, komunat do të humbin 5.2 milionë euro.

Deklarata e plotë:

1. Asociacioni i Komunave të Kosovës (AKK) e ka përkrahur dhe do e përkrah skemën e granteve dhe i falenderon organizatat donatore për investimet e bëra deri më tani në fusha të ndryshme e që këto investime kanë ndikuar në përmisimin e jetës së qytetarit dhe zhvillimin e demokracisë lokale. AKK kërkon nga donatorët që edhe në të ardhmen të kenë një bashkëpunim të tillë me komunat e Republikës së Kosovës.

2. AKK shpreh shqetësim dhe nuk pajtohet me vendimin e Ministrit të Pushtetit Lokal (MPL) dhe e konsideron akt të paprecedentë dhe shpreh shqetësim lidhur me vendimmarrjen e njëanshme të MPL për shkëputjen e kontratës me donator për skemën e granteve për komuna e ku komunat do humbin 5.2 milion EUR.

3. AKK-së nuk pajtohet me arsyetimin e këtij vendimi se deklarata e Kuvendit të AKK-së, ku kërkohet transparencë dhe bashkëpunim më të mirë në mes MPL e Komunave, është shkaktar për shkëputjen e njëanshme të marrëveshjes tripalëshe. Vendimi mbi ndërprerjen e marrëveshjes tripalëshe nuk do të duhej të merrej pa konsultim paraprak me partnerët e marrëveshjes e në këtë rast edhe pas konsultim paraprak me komunat e Republikës së Kosovës si përfituese të këtij granti.

4. Kërkojmë nga z. Avdullah Hoti, Kryeministër i Republikës së Kosovës të ndërmarrë veprime për të shtruar në përgjegjësi gjithë akterët që kanë ndikuar për një situatë të tillë si dhe ndaj zyrtarëve të lartë të MPL-së që kanë bërë deklarata fyese për Kryetarët e Komunave.

Fjalë Kyçe

Shkëputja e kontratës me donatorë nga MPL, ia humb 5.2 milionë euro komunave

Lajme të tjera