Shkolla në Fushë Kosovë anulon aktivitetet për Ditën e Fëmijëve për shkak të trendit të rrezikshëm në Tik Tok, flasin nga policia
Shkolla fillore “Mihal Grameno” në Fushë Kosovë, ka marrë vendim për t’i anuluar të gjitha aktivitetet e parapara për 1 Qershor.
Kjo pasi kjo shkollë thotë se ka identifikuar disa raste (lojë në Tiktok ku bëhet gërvishtja e trupit me mjete të ndryshme). Kështu u bë e ditur në një njoftim që qarkulloi në rrjetet sociale.
“Të nderuar kolegë, Me kërkesë të drejtorit të shkollës, nesër me datë 31.05.2024 pezullohen të gjitha aktivitetet për ditën e nesërme me rastin e festës se 1 Qershorit për shkak të rasteve të identifikuara (lojë në Tiktok ku bëhet gërvishja e trupit me mjete të ndryshme) në shkollë dhe të përcjellura në polici. Aktivitetet e planifikuara mbahen për ditën e shkollës me 11 qershor. Nesër mbahet mësim i rregullt”, u tha në njoftimin e publikuar.
Për rastin është njoftuar edhe Policia e Kosovës.
Nga Policia e Kosovës kanë thënë për gazetën online Reporteri.net se janë të njoftuar për këtë rast dhe po e trajtojnë në koordinim me institucionet kompetente.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]