Shpërthen Rrustem Mustafa: Njerëzit e angazhuar rishtas në PDK kanë lidhje të afërta me ish pushtuesin

Gazeta Alo

Publikuar: 19/01/2021 14:43

Ish deputeti i PDK-së, Rrustem Mustafa, ka akuzuar këtë subjekt politik se ka akomoduar oportunistë dhe njerëz që kanë lidhje me Serbinë.

Përmes një postimi në Facebook, ai ka thënë se të tillët nuk i duhen gjë PDK-së dhe ata, është koha të largohen nga ky diskurs krejtësisht cinik.“Ka një kohë që e kam pushuar aktivitetin tim në strukturat e PDK-së, por nuk mund të rrija neutral e të mos reagoj ndaj personazheve që njihen për afërsinë e tyre me ish pushtetin e që sot, kinse në emër të reprezentimit të PDK-së, aktrojnë superioritet e lidership ndaj personaliteteve më meritore të hierarkisë së UÇK-së”, ka shkruar Mustafa.

Postimi i plotë pa ndërhyrje:

PDK-Origjina dhe hijenat…PDK është parti e themeluar nga njerëz që kanë demonstruar kredenciale të larta morale e kombëtare në kohët e arritjeve të mëdha kombëtare. Me kalimin e viteve, ajo ka akomoduar edhe oportunistë e njerëz që kanë qenë të afërt me ish pushtetin e para vitit 1999. Sot, me njerëz që janë angazhuar rishtazi (Doktoranta, mastera të internetit e lloj-lloj kualifikimesh)në PDK, kemi arritur deri aty sa dikush që vjen nga lidhje të afërta me ish pushtuesin, të jap ‘çertifikata’ për individë brenda PDK-së, që përcaktojnë shkallën e lojalitetit të tyre ndaj vlerave të UÇK-së, madje, këtë ‘çertifikatë’ ja akordojnë edhe vet eprorëve të UÇK-së.Të tillët nuk i duhen gjë PDK-së dhe ata, është koha të largohen nga ky diskurs krejtësisht cinik.Ka një kohë që e kam pushuar aktivitetin tim në strukturat e PDK-së, por nuk mund të rrija neutral e të mos reagoj ndaj personazheve që njihen për afërsinë e tyre me ish pushtetin e që sot, kinse në emër të reprezentimit të PDK-së, aktrojnë superioritet e lidership ndaj personaliteteve më meritore të hierarkisë së UÇK-së.Kjo nuk duhet të tolerohet nga PDK.
Është e tepërt.

Fjalë Kyçe

Shpërthen Rrustem Mustafa: Njerëzit e angazhuar rishtas në PDK kanë lidhje të afërta me ish pushtuesin

Lajme të tjera