Fjalë Kyçe

Sinjalizuesi amerikan: Mos e përdorni WhatsApp-in, ka një alternativë më të mirë

Sinjalizuesi amerikan: Mos e përdorni WhatsApp-in, ka një alternativë më të mirë

Rënien e Facebook, Instagram dhe WhatsApp u komentua edhe nga sinjalizuesi i famshëm amerikan, Edward Snowden.

Ai tha në Twitter se përdoruesit duhet të përdorin aplikacione alternative të mesazheve në vend të WhatsApp-it, që është në pronësi të Facebook. Ai tha se rënia e këtyre rrjeteve sociale është kujtesë se njerëzit duhet ta përdorin një aplikacion jo-fitimprurës si Signal.

“Rënia e Whatsapp=it që është në pronësi të Facebook është kujtesë se ju dhe miqtë tuaj ndoshta duhet ta përdorni një alternativë më private, jofitimprurëse si Signali gjithsesi. Është falas dhe duhen rreth 30 sekonda për ta ndërruar”, shkroi Snowden.

Në një postim tjetër, ai tha se Facebook dhe Instagram ranë në mënyrë misterioze dhe se bota u bë “një vend më i shëndetshëm”.

Snowden shkroi më herët në Twitter se Signal është një aplikacion shumë më i sigurt për t’u përdorur sesa WhatsApp.

Snowden u bë i famshëm pasi zbuloi dokumente sekrete amerikane që tregonin ekzistencën e një numri të madh të projekteve sekrete.