Sociedadi ‘dhimbje’ i shkakton, Real Madridin nga Kupa e Mbretit e eliminon

Real Sociedadi ka qenë ‘ferri’ për Real Madridin në ndeshjen e sotme.

Skuadra në të cilën luan Adnan Januzaj u tregua mjaft e fortë kundër ‘mbretërve’ duke fituar me rezultat 3-4, shkruan IndeksOnline.

Odegaard me një gjuajtje në mes të këmbëve të portierit të Realit e dërgoi kështu skuadrën e tij në epërsi që në pjesën e parë.

Kurse në pjesën e dytë Isak me dy gol brenda dy minutave arriti ta bëjë rezultatin 0-3.

Mirëpo Marcelo u kujdes që ta shënoj në këtë ndeshje në minutën e 59’ pasi u asistua nga Diaz.

Por Sociedadi nuk u mjaftua me tri gola kështu në minutën e 69’ arriti ta shënoj edhe golin e katërt nga gjuajtja e Merinos i cili u asistua nga protagonisti i kësaj fitore Isak.

Kur u mendua që kjo ndeshje përfundoi me këtë rezultat, Vinicius Junior arriti ta shënoj golin e dytë për Madridin në këtë ndeshje, mirëpo pas shikimit të VAR ky gol u anulua.

Por golin e dytë për Real Madridin e shënoi Rodrygo në minutën e 82’ por që nuk mjaftoi për Madridin që ta vazhdojë rrugën në këtë garë.

Real Madridi e ngushtoi rezultatin duke shënuar në minutat shtesë golin e tretë, pasi një gjuajtje të saktë nga Nacho i cili u asistua nga Benzema.

Me këtë fitore Real Sociedadi siguroi rrugëtimin tutje në Kupën e Mbretit, kurse Real Madridi i dëshpruar do të jetë jashtë kësaj gare.