Sot ritestohen vushtrriasit për Covid 19, kanë kaluar 10 ditë pa asnjë rast të ri
Vushtrri, për 10 ditë asnjë rast pozitiv me Covid-19, sot pritet ritestimi i pacientëve
Në Komunën e Vushtrrisë ka 10 ditë që nuk ka asnjë rast me Covid-19, anipse kishte vazhdimisht testime.
Përmes një postimi në Facebook, drejtori i shëndetësisë i kësaj komune, Sylejman Meholli, tha se sonte priten rezultatet e ristestimit të pacientëve pozitiv me Covid-19.
“Edhe sot as një rast i ri me Covid 19 nga Komuna e Vushtrrisë. Tre (3) raste janë testuar sot, të gjithë kanë rezultuar negativ.Dy ditët e ardhshme presim ritestim të rasteve aktive nga komuna jonë për të verifikuar shërimin e tyre.Fal Zotit, përkrahjes tuaj të dashur qytetarë dhe angazhimit maksimal të të gjithë mekanizmave institucional lokal e qëndror, ngadal por sigurt po e fitojmë betejën me Covid 19”, ka shkruar Meholli.
Në Komunën e Vushtrrisë deri tani janë shënuar gjithsej 24 raste me Covid-19 dhe 7 prej tyre janë shëruar.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]