Sot zhvillohet finalja e Superkupës së Anglisë
Finalja e Superkupës së Anglisë për vitin 2021 do të zhvillohet sot në stadiumin mitik Wembley.
Fituesi i Premierligës, Man City, dhe fituesi i Kupës FA të sezonit të kaluar, Liecester, do të takohen sot në finalen e Superkupës së Anglisë, e njohur ndryshe si “Community Shield”, duke filluar nga ora 18:15 në Wembley.
Man City u shpallën kampion të Premierligës për sezonin 2020-21 duke u renditur e para me së paku 12 pikë pastër nga përcjellësi i dytë, kurse Leicester triumfuan në finalen e Kupës FA duke e mposhtur Chelsean me rezultat të ngushtë 1-0 në Wembley.
Kampionët e ligës “Citizens” kanë fituar 6 herë trofeun e Superkupës në histori të tyre, kurse Leicester vetëm një herë, kur e kishin bërë në sezonin 1971.
Sidoqoftë, “mbretërit” e këtij kompeticioni janë Manchester United të cilën e kanë fituar trofeun plot 21 herë. Pas Man United, e dyta renditet skuadra e Arsenal që e ka fituar trofeun 16 herë, kurse e treta renditet Liverpool duke triumfuar 15 herë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]