Tajlandezja që e mundi coronavirusin, qëndroi nëntë ditë në izolim total

Një grua e moshuar nga Tajlanda është “një në milion” që ka arritur ta mund coronavirusin, nga e cila vuajnë afro 31 mijë persona në mbarë botën, kurse deri më tani kanë vdekur më shumë se 600.

Jaimui Si-Ung, 73-vjeçe, ka qenë shtetasja e parë tajlandeze që ishte infektuar me coronavirus, kurse në këtë vend janë diagnostifikuar edhe 24 pacientë tjerë, transmeton Telegrafi.

Ajo ishte infektuar me coronavirus gjatë udhëtimit në qytetin kinez Wuhan, që po cilësohet si epiqendra e epidemisë që ka ngritur në këmbë botën. Kishte qëndruar me ditë të tëra në spital në karantinë, me qëllim që të shërohet nga ky virus vdekjeprurës.

Një rast i ngjashëm i shërimit është regjistruar në Malajzi, ku kinezja katërvjeçare arriti të shërohet nga virusi i ngjashëm me SARS-in. Shërimi i tyre po u jep shpresë shkencëtarëve që po bëjnë çmos të ndalin këtë epidemi që ka infektuar njerëzit në mbarë botën.

Ekspertët pretendojnë se infeksioni paraqet problem të madh tek personat e rritur, por mund të jetë edhe më i rrezikshëm tek ata me imunitet më të dobët ose që vuajnë nga diabeti, astma e sëmundje tjera të ngjashme.

Familjarët e tajlandezes ishin brengosur që Jaimui Si-Ung që tashmë ka probleme me zemër, që ky virus për të do të ishte vdekjeprurës, megjithatë ajo ka arritur ta mund. Jaimui Si-Ung u tha mediat lokale se kishte pasur temperaturë dhe vazhdimisht ndihej e lodhur, duke e ditur mirë se nuk ishte në pyetje zemra.

Aty mjekët konstatuan se ajo vuan nga coronavirusi qysh nga 3 janar, kur kishte shkuar në një spital në provincën Nakhon Pathom në Tajlandë të cilët menjëherë e kishin futur në karantinë.

“Ishte e habitur, sepse nuk e dija për çfarë duhet të qëndrojë në izolim që kishte dy apo tre shtresa të xhamit”, ka shtuar ajo.

Mjekët që e shëruan bartnin rroba mbrojtëse dhe u shiheshin vetëm sytë. Kësaj nëne të shtatë fëmijëve gjithashtu nuk i është lejuar të vizitojë familjarët. Mënyra e vetme ishte video-thirrja.

Gjendja e saj shëndetësore ishte përmirësuar pas tri ditëve që i kishte kaluar në spital, por ishte mbajtur më gjatë nga frika se mund të mos jetë shëruar plotësisht.

Ajo u lirua pas nëntë ditëve izolim total dhe tani ka mbërritur në shtëpinë e saj për të festuar vitin e ri kinez. Ndërkaq e bija e saj ka bërë të ditur se ajo është “një në milion” dhe se lumturia e saj nuk ka fund.