Të fshehur në pure bananesh, sekuestrohet një ton kokainë
Rreth një ton kokainë me destinacion Belgjikën, fshehur në një kontejner me pure bananeje, u sekuestrua nga policët anti-drogë të Kosta Rikës, njoftoi sot ministri i Brendshëm, Michael Soto.
Rreth 954 kilogramë drogë u zbuluan gjatë inspektimit të kontenierit. Ato ishin ndarë në paketa të presuara prej një kilogramësh dhe ishin vendosur në 29 valixhe, të fshehura gjithashtu mes bidonëve të mëdhenj me pure bananesh.
“Që prej fillimit të vitit, policia anti-drogë ka zbuluar në zonën portuale të Limon-it nëntë kontejnerë ku ka qenë fshehur drogë”, theksoi ministri.
“Më shumë se 5,5 tonë kokainë është sekuestruar”, shtoi Soto.
“Më shumë se 37 tonë drogë, kryesisht kokainë dhe mariuhanë, janë sekuestruar në total në Kosta Rika që prej fillimit të vitit”, shtoi ai.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]