Tifozi pësoi sulm në zëmër gjatë ndeshjen Ballkani-Drita, mjekët e të dy skuadrave intervenuan dhe i shpëtuan jetën

Ndeshja Ballkani-Drita, ishte padyshim derbi më i madh i kësaj jave në BKT Superligën e Kosovës.

Vendasit fituan me rezultat 3-2, duke bërë një hap të madh drejt titullit kampion.

Por gjatë ndeshjes ishte një moment i rëndë, ku një tifoz pësoi sulm në zëmër në shkallët e stadiumit.

Mjekët e të dy skuadrave kanë vrapuar drejt tribunës, duke i dhënë ndihmën e parë.

Tifozi ka shpëtuar dhe është dërguar në emergjencën e Prizrenit, këtë e ka konfirmuar klubi i Ballkanit.

“Gjatë ndeshjes së sotshme kundër FC Dritës, një tifozi të klubit tonë i është përkeqësuar gjendja, por falë intervenimit të shpejtë nga mjekët e klubit tonë dhe klubit të FC Dritës, kanë arritur ta shpëtojnë nga më e keqja”.

“Stafi i klubit ka vizituar tifozin në emergjencën e Prizrenit dhe lajmi i mirë është se gjendja është stabile dhe jashtë rrezikut për jetë. Klubi ynë tifozit në fjalë i dëshiron shërim të shpejtë”, thuhet në njoftimin e klubit përcjell telegrafi.

Më herët ka qenë edhe kryetari i FC Dritës, Valon Murseli, i cili ka folur për këtë rast.

Ndeshja ishte e bukur në fushë, pasi u shënuan pesë gola në pjesën e dytë.