Tre futbollistë të Partizanit dalin pozitivë në COVID-19

Edhe tre futbollistë të skuadrës kampione në Shqipëri, Partizanit, janë dalë pozitivë në testimet për COVID-19, duke çuar në pesë numrin e të infektuarve.

Skuadra e Partizanit përmes një njoftimi ka bërë të ditur se është testuar e gjithë skuadra, dhe tre futbollistë kanë rezultuar pozitivë.

Janë futbollistët Erald Çinari, Esat Mala dhe Kristi Kote.

Njoftimi i FK Partizanit:

FK Partizani njofton rezultatet e testeve të kryera nga ekipi për COVID-19. Në total janë kryer 50 tamponë dhe nga përgjigjet zyrtare të konfirmura nga ISHP (Insituti Shëndetit Publik), tre pjestarë të ekipit Erald Çinari, Esat Mala dhe Kristi Kote kanë rezultuar pozitiv me COVID-19 dhe janë asimptomatikë. Pjesa tjetër e skuadrës, stafi dhe punonjës të klubit kanë dalë negativ.

Në zbatim të protokollit të miratuar nga Ministria e Shëndetësisë dhe Mbrojtjes Sociale, lojtarët janë izoluar dhe nuk do të jenë pjesë e skuadrës për ndeshjen e radhës. Ekipi gëzon gjendje optimale dhe panvarësisht mungesave është gati për të dhënë maksimumin në derbin me Tiranën.

Pavarësisht këtye rasteve, ndeshja derbi mes Partizanit dhe Tiranës do të luhet ditën e premte (sot).