Tre pacientë me koronavirus në Kosovë në gjendje më të rëndë
Brenda Klinikës Infektive në QKUK po trajtohen 19 pacientë të prekur nga pandemia COVID-19, ndërsa 14 të tjerë po presin që t`u dalin rezultatet.
Mjeku kujdestar, Murat Mehmeti tregoi se gjendja e pacientëve është stabile më përjashtim të tre prej tyre.
“Kanë nevojë për oksigjen herë pas here, por gjendja e tyre është stabile”, ka thënë ai për T7.
Mehmeti bëri me dije se atyre që po trajtohen në QKUK po u japin terapinë e rekomanduar me të cilën aktualisht janë të furnizuar.
“Nuk ka një rekomandim për trajtimin e virusit nga Organizata Botërore e Shëndetësisë, mirëpo ne tash për tash jemi duke e dhënë terapinë të cilën e ka rekomanduar MBA”, ka shtuar ai.
Një ditë më parë në Kosovë u shënuan 7 raste të reja me koronavirus.
Ndërkohë Instituti Kombëtar i Shëndetit Publik po vazhdon tu bëjë thirrje qytetarëve të rrinë në shtëpi.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]