Tregtarët e produkteve joushqimore në Lipjan nuk po e pranojnë vendimin e Komunës që të zhvendosen për shitje tek tregu i ri, në periferi të qytetit.
Sipas shitësit, Rifat Haliti, pazari i ri gjendet larg dhe nuk ka shitje, pasi nuk shkojnë qytetarët.
E dikush që megjithatë erdhi tek tregu i ri, tregon se prej kur e filloi ditën nuk pati asnjë blerës.
Kurse nga komuna deklaruan se vendimi do të zbatohet dhe presin mirëkuptimin e qytetarëve.
Tregtarët që nga qytete të ndryshme vijnë në Lipjan, nisën sot edhe një peticion në komunë rreth kësaj çështjeje.