U shkojnë në stan për të vjedhur kanabis, 3 hajdutët plagosin babë e bir me thikë në Vlorë
“Në një stan atje në lug… hedhin valle tre hajdutë”, ishin vargjet e kënge popullore 9 vite më parë, që sot përkojnë realisht. Dhe rasti i sotëm nuk bën fjalë për vjedhje bagëtish, apo bulmeti, por për kanabis sativa. Pikërisht në një stan në fshatin Selenicë të Vlorës 3 hajdutë janë përleshur me babë e bir, duke i lënë ata të plagosur me thikë.
Policia njofton se 3 persona të paidentifikuar që dyshohet se kishin shkuar për të vjedhur, janë diktuar nga babai dhe djali, përkatësisht Fatjon Dautaj dhe Vilson Dautaj, të cilët kanë hasur në rezistencën e tyre, ku si pasojë dhe janë dëmtuar.
Gjatë kontrollit dhe krehjes së zonës nga Policia janë konstatuar të kultivuara 180 bimë narkotike, që dyshohet se dyshohet se u përkisnin dy të lënduarve. Bimët narkotike janë asgjësuar me anë të djegies.
Gjatë kontrollit të banesës atyre ju janë gjetur dhe sekuestruar 2 armë zjarri automatik dhe pushkë, ndërsa vijon krehja e zonës me qëllim kapjen e autorëve./A2cnn
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]