Prishja e shtëpive tek “5 Maji”/ E moshuara: S’më lanë të merrrja as rrobat

Banorja e lagjes “5 maj” Liza Marku, e cila u nxor me forcë nga banesa e saj reagoi e indinjuar. Për “Syri.tv”, 78-vjeçarja tha se efektivët e rendit nuk e lanë të merrte rrobat, pasaportën e saj dhe sendet e tjera personale.

Gjithashtu, e moshuara tha se policët kujtuan se ajo kishte armë në shtëpi, pranaj nuk e lanë të kthehej brenda. Ajo u përgjigj me ironi se nëse kryebashkiaku i Tiranës Erion Veliaj do t’i donte rrobat e saj për gruan e tij, ajo do t’ia dhuronte. Më tej, Marku akuzoi Veliaj si kriminel dhe hajdut.

“Erion Veliaj nuk ka për të ndenjur në karrige. Turp të ketë që merret me një plakë. S’më lanë të merrja as rrobat. Mbase ka dashur t’ia jepte të shoqes. Po të kishte dashur, do t’ia kishafalur. As pasaportën greke s’më kanë lënë ta marrë. Këtë masakër që ka bërë se ka bërë njeri. Më ka shtyrë zvarrë policia. Më thanë se s’do hyja brenda. U trembën se kujtuan se kisha armë, por çfrëa tu bëja fëmijëve.

Djali ka folur në media. Tani jemi në qiell të hapur, ku të shkojmë?! Të gjithë shqiptarëve u them të ikin. Veliaj dhe ata janë të fortë që dërguan 500 policë këtu. Po të isha e fortë s’do ma prishnin shtëpinë. Erion Veliaj është kriminel. S’kam çfarë të bëj. Të marrë rrugët unë një plakë 78 vjeçe. Ra tërmeti, Veliaj i mori paratë, pse s’ia dha popullit?! Ishalla ka zot dhe ia zhduk fëmijën dhe nënën e tij, e le të qajë!