Valdrin Sahiti: Pasaportën diplomatike nuk e kam përdorë kurrë (VIDEO)

Dizenjatori Valdrin Sahiti ka folur për raportimet që janë bërë më herët, se ai është pajisur me pasaportë diplomatike.

Ai në emisionin “Oxygen” me Besim Dinën në Klan Kosova, pranoi se e posedon një pasaportë të tillë, por u shpreh se nuk e ka përdorur asnjëherë.

“Pse a nuk e meritoj? Pasaportën diplomatike nuk e kam përdorë, sepse asnjë vizë nuk e kam në pasaportë diplomatike, sepse vizat i kam në pasaportën normal. Pasaportën ma kanë dhënë diku në vitin 2019-2020, kur ka qenë rasti me Beyoncen edhe kur “British Vogue” e ka bërë një shkrim për mua dhe ka spjeguar gjithë historinë e Kosovës”, u shpreh ai.

Ai tutje u shpreh se shteti nuk i ka dhënë asnjëherë asgjë, përcjell Klankosova.tv.

“Unë kaloj gjithmonë kah VIP sepse unë jam “Gold” në çdo lloj agjensioni, unë nuk e njoh pjesën e pritjes dhe të kalimit nga njerëzit normal. Shteti nuk më ka dhënë kurrë në jetë asgjë, shofer kam, por nuk ma ka dhënë shteti. Unë s’kam pas kontrata kurrë në jetë me shtet, as të punës, as të eksperiencave persona”, u shpreh ai.