Varrezat e dëshmorëve në Fushë Kosovë mbulohen nga uji (Video)

Kjo është gjendja e varrezave të martirëve e dëshmorëve në Fushë Kosovë.

Por, krejt ndryshe dukeshin një ditë më parë. Krejt kjo kishte ndodhur si pasojë e reshjeve të shiut.

E kjo gjendje po i brengos shumë Familjen Mirena, të cilëve iu vranë 16 anëtare gjatë Luftës e që janë të varrosur këtu.

Njëra nga anëtarët e familjes thotë se këto varreza mbulohen nga uji shumë shpesh.

Ajo shton se ndihet keq kur vajzat e saj e pyesin për gjendjen e varrezave.

‘’Kur i kom pa ne uje, edhe qikat kur me kan vete pse oj nane ne uje, i thash jon myte oj nane ne lufte tash i mer edhe uji ‘’

Ajo në mes lotësh tregoi se një ditë më parë për festë të Fitër Bajramit u nisën për në vizitë tek këto varreza.

Po për shkak te gjendjes së keqe u detyruan të kthehen në shtëpi me lule në dorë.

E një anëtare tjetër e familjes po i fajëson institucionet për këtë punë.

Ndërkohë, zëdhënësi i Komunës së Fushë Kosovës shfajëson qeverisjen lokale për gjendjen e varrezave të dëshmorëve.

Topalli thotë se këto varreza janë te rregulluara në mënyrën më të mirë te mundshme.

Pos tek varrezat e dëshmorëve, gjatë ditës së mërkurë vërshime ka pas edhe në pjesë të tjera të Fushë Kosovës.