Vdekja e dy të rinjve në autostradën “Ibrahim Rugova”, vjen reagimi i pronarit të kompanisë

Arianit Bytyqi 26 vjeçar dhe Gentrit Gallopeni 20 vjeç, të dy kondukterë me profesion, kanë vdekur në orët e para të mëngjesit të sotëm pas rënies në një humnerë në autostradën “Ibrahim Rugova”.

Pronari i kompanisë ‘Sharri Travel’, Ruzhdi Kurtishaj, pjesë e cilës ishin të rinjtë që vdiqën tragjikisht, është shprehur i tronditur me vdekjen e tyre, transmeton lajmi.net.

“Ishte tronditje lajmi për vdekjen tuaj, Ishit shembull për të mirë. Ju qoftë i lehtë dheu i Kosovës!”, ka shkruar Kutishaj në Facebook.

https://www.facebook.com/ruzhdi.kurtishaj/posts/2417503375200690

Kujtojmë, se për humbjen e dy jetëve, me urdhër të prokurorit 3(tre) shoferë të autobusave të cilët janë ndalur në autostradë në kundershtim me ligjet e komunikacionit rrugor, janë dërguar në mbajtje për 48 orë.

Ndërkohë, Policia e Kosovës ka konfirmuar se dy të rinjtë gjetën vdekjen pasi ranë në humnerë teksa po kalonin nga një trase në tjetrën në autostratën “Ibrahim Rugova”, në segmentin Suharekë – Duhël.

Në momentin që kanë kaluar mburojën e trasesë së parë të autostradës dhe duke tentuar të kalojnë në trasenë tjetër  kanë rënë në humnere pasi që hapësira në mes dy traseve është afër 3m.

Me urdhër të prokurorit 3(tre) shoferë të autobusëve të cilët janë ndalur në autostradë në kundërshtim me ligjet e komunikacionit rrugor, janë ndaluar në mbajtje për 48 orë.

Janë intervistuar një numër i dëshmitareve lidhur me rastin.

Pas konsultimeve me Prokurorinë e Krimeve të Rënda është konstatuar se si pasoje e ndaljes se autobusëve në autostradë e qe bie në kundërshtim me ligjet në fuqi kanë shkaktuar rrezik të përgjithshëm me pasoje vdekjen pasi që dy viktimat kanë dalë nga autobusët.

Trupi i pajetë i viktimave është dërguar për autopsi.