Vdes djali 17-vjeçar i Sinead O’Connor, këngëtarja pohon se ishte vetëvrasje

Djali 17-vjeçar i Sinead O’Connor ka vdekur dy ditë pasi ishte raportuar për zhdukjen e tij, ndërsa këngëtarja pretendon se ishte një vetëvrasje.

O’Connor e ndau lajmin në rrjetet sociale, duke shkruar se djali i saj “vendosi t’i jepte fund vuajtjes së tij tokësore” dhe kërkoi që “askush të mos e ndjekë shembullin e tij”.

“Djali im i bukur, Nevi’im Nesta Ali Shane O’Connor, drita e vetme e jetës sime, vendosi t’i japë fund vuajtjes së tij tokësore sot dhe tani është me Zotin. Pusho në paqe dhe askush të mos e ndjekë shembullin e tij. Fëmija im. Të dua shumë. Ji i qetë të lutem”, kishte shkruar këngëtarja në orët e para të mëngjesit të të shtunës, transmeton telegrafi.

Edhe policia e ka konfirmuar të shtunën lajmin për vdekjen e adoleshentit, ndërsa nuk e ka gjetur shkakun e vdekjes.

Shane për herë të fundit ishte parë të premten, ndërsa në një deklaratë të lëshuar nga policia thuhej se ishin të shqetësuar për mirëqenien e tij, kurse më pas – siç transmeton Irish Mirror – është njoftuar për vdekjen e tij.

My beautiful son, Nevi’im Nesta Ali Shane O’Connor, the very light of my life, decided to end his earthly struggle today and is now with God. May he rest in peace and may no one follow his example. My baby. I love you so much. Please be at peace:

— Sinead The 1 And Only (@OhSineady) January 8, 2022