Vdiq nga pasojat e COVID-it mësuesi dhe veterani i UÇK-së, Haki Javori
Ka vdekur në moshën 62-vjeçare, mësuesi, dhe veterani i Ushtrisë Çlirimtare të Kosovës, Haki Javori nga Llazica e Malishevës.
Një familjar i ka thënë se para rreth 3 javësh Javori ishte infektuar me COVID-19, por pas rreth 2 javësh ai kishte rezultuar negativ ndaj Covid-19 dhe ishte liruar nga Spitali.
Por sipas familjarit virusi kishte lënë pasoja të rënda tek i ndjeri dhe ai ka ndërruar jetë. Javori ka qenë mësues i klasës së katërt në SHFMU “Gjergj Kastrioti-Skënderbeu” në fshatin Llazicë dhe vdekja e tij pak ditë para fillimit të vitit shkollor, sipas drejtorit të kësaj shkolle Fadil Javori, i ka prekur thellë nxënësit, dhe personelin shkollor.
“Lajmin e pritëm me trishtim të thellë”, ka thënë drejtori Javori.
Edhe OVL e UÇK-së në Malishevë, ka dhënë lajmin për vdekjen e veteranit Haki Javori duke i shprehur ngushëllime familjes dhe gjithë veteranëve të UÇK-së.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]