Venediku ndalon ankorimin e anijeve të mëdha
Qeveria italiane ka bërë të ditur se anijet e mëdha për pasagjerë, përkohësisht do të ankorohen në portin Marger – që do të thotë se nuk do të guxojnë t’i afrohen qendrës së Venedikut.
Ministrat e Ambientit, Kulturës, Turizmit dhe Infrastrukturës, kanë vendosur që përkohësisht të gjithë anijet të ankorohen në Marger – për të mbrojtur trashëgiminë kulturore që nuk i përket vetëm Italisë por edhe botës, thuhet në një kumtesë të përbashkët, transmeton Telegrafi.
Katër ministrat janë pajtuar gjatë një video-konference që t’i mbajnë sa më larg Venedikut, për ta ruajtur trashëgimin kulturore. Anijet në Venedik prej vitesh janë burim i debateve të ashpra.
Kritikët thonë se anijet turistike janë “të këqija për sy” dhe paraqesin një lloj rreziku për ambientin – duke i kontribuar edhe turmave të pakontrolluara të turistëve, ndërkaq ata që kundërshtojnë këtë ide se thonë se kjo industri po hap vende të reja pune për këtë qytet italian.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]