Xavi e vajton humbjen e Haalandit
Kishte ndodhur në janar me Dusan Vlahovicin, i cili përfundoi në Juventus, dhe tash i ndodhi përsëri.
Barcelona është në krizë të madhe financiare dhe kjo ia pamundëson transferimin e lojtarëve të mëdhenj dhe i duhet të shikojë si spektatore teksa ata përfundojnë në Real Madrid, Manchester City apo në Paris Saint-Germain.
Pas fitores ndaj Celta Vigos, trajneri Xavi Hernandez e ka komentuar transferimin e Erling Braut Haalandit në skuadrën e Pep Guardiolës, së cilës i kushtoi afro 60 milionë euro, shkruan “Gazeta Express”.
“Është mëkat, nuk ishim në gjendje të garonim (shtyheshim) për të”, ka thënë legjenda katalunase.
Haalandin e donin edhe dy gjigantët e futbollit spanjoll, Real Madrid dhe Barcelona, por ai preferoi të transferohet në ekipin ku luajti edhe babai i tij.
Barça nuk pritet të jetë shumë aktive në afatin kalimtar të verës.
Synim kryesor i klubit mbetet Robert Lewandowski, i cili është shumë më i lirë sesa Haaland.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]