Xherdan Shaqiri pritet të largohet nga Liverpooli, klubi anglez ia vendos çmimin
Lojtari kosovar Xherdan Shaqiri mund të largohet nga Liverpooli pas tre vjetësh qëndrim në “Anfield”, shkruan Zëri.info.
Sulmuesi 29-vjeçar dëshiron një skuadër ku do të luajë rregullisht, ndërsa ofertat për lojtarin nuk po mungojnë.
Sipas medieve angleze, Roma, Milani, Lazio, dhe Napoli e duan lojtarin në Seria A, kurse Sevilla e Villareal janë në garë nga Liga Spanjolle.
Po ashtu interesim për futbollistin ka shprehur edhe skuadra gjermane, Hertha Berlin, derisa në garë janë edhe dy skuadrat nga Super Liga e Turqisë, Galatasaray dhe Fenerbahçe.
Siç raportohet, Liverpooli tashmë ia ka vendosur çmimin e largimit, ku kërkon 15 milionë euro.
Largimi i tij nga Liverpooli pritet të ndodhë gjatë javës së ardhshme.
Shaqiri iu bashkua Liverpoolit më 13 korrik 2018 me një marrëveshje pesëvjeçare. /Zëri.info
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]