Zgjedhjet në veri më 19 maj
Presidenti Hashim Thaçi brenda pak kohësh do t’i shpallë zgjedhjet e parakohshme për kryetarë të katër komunave të veriut të vendit, kanë treguar burime të “Kohës Ditore”.
Në konsultë për këtë, aktualisht në zyrën e presidentit është kryetarja e KQZ-së, Valdete Daka.
“Ne nuk e dimë arsyen përse, por sapo morëm informatën se Presidenti është i interesuar që menjëherë t’i shpallë zgjedhjet”, i ka thënë gazetës një anëtar i KQZ-së. “Na thanë që vendimin do ta publikoj sot”.
Sipas informatave të “Kohës Ditore”, zgjedhjet në veri do të mbahen më 19 maj.
Kryetarët e këtyre katër komunave, Mitrovicë Veriore, Leposaviq, Zubin Potoku dhe Zveçan nga Lista Serbe, kanë dhënë dorëheqje nga postet e tyre më 27 nëntor të vitit të shkuar.
Shkas për dorëheqje, sipas tyre, ka qenë vendosja e taksës nga qeveria e Kosovës ndaj mallrave të Serbisë.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]