“Zotëri Zhegrova, do të vijmë në stadium vetëm për ty”, ylli kosovar fiton zemrat e tifozëve të Lille

Edon Zhegrova ka nisur ta tregojë veten te klubi i ri, Lille. Kampioni francez po çalon këtë edicion në ligë, megjithatë një yll i ri po lind aty. Bëhet fjalë për talentin kosovar, Edon Zhegrova i cili ka filluar të bëhet prej futbollistëve kryesorë në klub, shkruan Gazeta Express.

Ai sonte zhvilloi ndeshjen e parë si startues, duke bërë asist fantastik në golin e vetëm të Lille në humbjen 1:2 ndaj Lens. Ndërkohë, paraprakisht në barazimin 1:1 ndaj Angers, Edon Zhegrova shënoi një gol spektakolar nga distanca.

Zhegrova qysh tani ka fituar zemrat e tifozëve të Lille, të cilët janë të zhgënjyer me klubin në këtë edicion. Sezonin e kaluar, Lille u shpall kampion i Francës, duke u renditur në vendin e parë, para Paris Saint-Germain.

Ndërsa, këtë sezon, Lille gjendet në vendin e tetë, me pak gjasa për t’i arritur vendet që dërgojnë në garat evropiane, ku kanë mbetur edhe gjashtë xhiro për t’u zhvilluar.

Ka nga ata tifozë që nga zhgënjimi i madh, thonë se do të vijnë në stadium vetëm për yllin kosovar.

“Zotëri Zhegrova, ne do të vazhdojmë të vijmë në stadium vetëm për ty”, thotë njëri tifoz në Twitter

https://twitter.com/Nouriii_10/status/1515454843468627973?ref_src=twsrc%5Etfw%7Ctwcamp%5Etweetembed%7Ctwterm%5E1515454843468627973%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fzoteri-zhegrova-do-te-vijme-ne-stadium-vetem-per-ty-ylli-kosovar-fiton-zemrat-e-tifozeve-te-lille%2F