Zviceranët miratojnë ndalimin e reklamave të duhanit shumë kohë pas fqinjëve
Votuesit zviceranë kanë mbështetur një ndalim të reklamimit të duhanit kudo që të rinjtë mund ta shohin atë.
Në fakt, vota Po në referendumin mbarëkombëtar do të çojë në një ndalim të plotë të reklamimit, shkruajnë mediat e huaja, përcjell Telegrafi.
Masa do ta sjellë Zvicrën në përputhje me fqinjët e saj evropianë, shumica e të cilëve miratuan rregulla strikte për reklamimin e duhanit vite më parë.
Pavarësisht imazhit të saj të shëndetshëm dhe miqësor ndaj mjedisit, Zvicra ka rregullat më të dobëta për duhanin në Evropë.
Shumë kohë pasi pirja e duhanit në bare dhe restorante u shpall e jashtëligjshme në Britaninë e Madhe, Francë ose Gjermani, zviceranët vazhdonin me “tymosje”.
Duke përshëndetur rezultatin e së dielës, anëtarja socialdemokrate e parlamentit Flavia Wasserfallen falënderoi shoqatat e mjekëve dhe mësuesve që bënë fushatë për ndalimin.
“Njerëzit punuan shumë për një politikë që i vendos të rinjtë në qendër”, tha ajo për televizionin zviceran.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]