Anglia do ta shfrytëzojë stadiumin e Southamptonit për ndeshjen kundër Kosovës në kuadër të eliminatoreve të Kampionatit Evropian “Euro 2020” në shtator.
Ndeshja do të zhvillohet në “St. Mary’Stadium” më 10 shtator, ditë e marte.
Kjo do të jetë hera e pare që Anglia i zhvillon ndeshjet në këtë stadium që prej tetorit të vitit 2002, kur u përball me Maqedoninë në barazimin 2:2.
Saktësisht, në këtë stadium kohëve të fundit ka luajtur më shumë Kombëtarja U-21 e Anglisë dhe Kombëtarja e femrave.
Do të jetë një ndeshje historike gjithashtu, pasi që do të jetë përballja e parë e Anglisë me Kosovën që prej pranimit të “Dardanëve” në UEFA dhe FIFA.
Që prej atëherë, Kosova ka bërë progres të jashtëzakonshëm duke e mbyllur grupin përkatës në Ligën e Kombeve pa asnjë humbje.