Zyrtarisht SHBA-ja aprovon vaksinën e dytë anti-COVID
“Moderna” ka marrë aprovimin nga qeveria amerikane duke u bërë vaksina e dytë kundër COVID-19 në këtë vend, për t’i hapur rrugë lëshimit të miliona dozave për qytetarët.
Administrata e Ushqimit dhe Ilaçeve në SHBA ka aprovuar vaksinën, pak pasi tashmë ka nisur shpërndarja e vaksinës së “Pfizer/BioNTechut”.
Shtetet e Bashkuara janë pajtuar që të blejnë 200 milionë doza të vaksinës së “Modernas”, me gjashtë milionë që do të përdoren menjëherë.
Shteti ka numrin më të madh të rasteve dhe vdekjeve nga COVID-19. Nga fillimi i pandemisë në SHBA janë regjistruar 313 mijë vdekje, ndërsa janë më shumë se 17.5 milionë të infektuar.
Aprovimi erdhi pasi një panel i jashtëm votoi të enjten me 20 vota pro e një abstenim.
Rregullatorët kanë raportuar më herët se kjo vaksinë është e sigurt dhe 94 për qind efektive.
Lajme të tjera
Gazeta Alo
Adresa: Rr. Mustafa Kruja , Prishtinë, Kosovë 10000
Tel/Mob: +383(0) 45/111-993
E-mail: [email protected]